Outline
အိုကာယာမတက္ကသိုလ်သည် ၁၀နှစ်တာ တာဝန်ယူဆောင်ရွက်လာခဲ့သော ဂျပန်နိုင်ငံ ပညာရေး၊ ယဥ်ကျေးမှု၊ အားကစား၊ သိပ္ပံနှင့် နည်းပညာဝန်ကြီးဌာန၏ “Study in Japan Coordinator Project (Myanmar)” (2014 - 2018) နှင့် “Study in Japan Global Network Project in ASEAN” (2019 - 2023) တို့၏ အောင်မြင်မှုရလဒ်များကြောင့် ၂၀၂၄ခုနှစ်မှစတင်ကာ “Global Network Project to Promote Study in Japan (ASEAN Regional Office)” ပရောဂျက်ကို တာဝန်ယူဆောင်ရွက်ရန် အပ်နှင်းခံရပါသည်။ Council for the Creation of Future Education၏ အဆိုပြုမှုဖြစ်သော J-MIRAI (Japan-Mobility and Internationalization: Re-engaging and Accelerating Initiative for future generations) တွင် ၂၀၃၃ခုနှစ်အထိ နိုင်ငံခြားကျောင်းသူကျောင်းသားဦးရေ（အထက်တန်းကျောင်းသူ ကျောင်းသားများမှအပ）၃၈၀,၀၀၀ ဦးကို လက်ခံရန်ဟူသော ရည်မှန်းချက်ကိုအခြေခံ၍ ၅နှစ်အတွင်း အာဆီယံ (ASEAN)အဖွဲ့၀င်နိုင်ငံများမှ ပညာသင်ကျောင်းသူကျောင်းသားဦးရေ ၂.၇ ဆ (၁၀၃,၈၆၁ ဦး) တိုးလာစေရန် ရည်မှန်းချက်ထားကာ လုပ်ငန်းများဆောင်ရွက်နေပါသည်။
၂၀၂၄ခုနှစ် စက်တင်ဘာလ လက်ရှိအချိန်တွင် အင်ဒိုနီးရှားနိုင်ငံ ဂျာကာတာနှင့် ဆူရာဘာယား၊ မြန်မာနိုင်ငံ ရန်ကုန်နှင့် မန္တလေး၊ ထိုင်းနိုင်ငံ ဘန်ကောက်၊ ကမ္ဘောဒီးယားနိုင်ငံ ဖနွမ်းပင်၊ လာအိုနိုင်ငံ ဗီယင်ကျန်း တို့တွင် ရုံးခန်းများ ဖွင့်လှစ်ထားပြီး အခြေစိုက်ရုံး၇ခုမှနေ၍ အာဆီယံ(ASEAN)အဖွဲ့၀င်နိုင်ငံအသီးသီး၏ ထူးချွန်သောပညာသင် ကျောင်းသူကျောင်းသားများရရှိစေရန်ရည်ရွယ်ကာ လုပ်ငန်းများဆောင်ရွက်လျက်ရှိပါသည်။ ယခုဘဏ္ဍာနှစ်အတွင်း မလေးရှားနိုင်ငံတွင်လည်း ရုံးခန်းဖွင့်လှစ်ကာ လုပ်ငန်းများပိုမိုတိုးတက်စေရန် ဆောင်ရွက်သွားမည်ဖြစ်ပါသည်။
အိုကာယာမတက္ကသိုလ်သည် ယခုအချိန်အထိ မြန်မာနိုင်ငံတွင်ရရှိခဲ့သောအတွေ့အကြုံများ၊ နိုင်ငံပိုင်တက္ကသိုလ်၆ ကျောင်း (SixERS)နှင့် ပူးပေါင်းပါဝင်ကြသောအဖွဲ့အစည်းအသီးသီး၏ အတွေ့အကြုံအကြံဥာဏ်များကိုအသုံးချ၍ အာဆီယံ(ASEAN)အဖွဲ့၀င်နိုင်ငံအသီးသီးမှ ဂျပန်နိုင်ငံသို့ပညာသင်သွားလိုသော ကျောင်းသူကျောင်းသားများအတွက် ပိုမိုကောင်းမွန်သောအကူအညီ၊ အကြံဥာဏ်များ ပေးသွားမည်ဖြစ်ပါသည်။
