Outline
ມະຫາວິທະຍາໄລ ໂອກາຢາມະ ໄດ້ຮັບແຕ່ງຕັ້ງໃຫ້ດຳເນີນໂຄງການ “ໂຄງການສຶກສາຕໍ່ທີ່ປະເທດຍີ່ປຸ່ນລະດັບໂລກໃນອາຊຽນ” ໂດຍ ທຶນກະຊວງສຶກສາ ວັດທະນະທຳ ກິລາ ວິທະຍາສາດແລະເຕັກໂນໂລຢີ (MEXT) ຂອງຍີ່ປຸ່ນໃນປີ 2019. ຈຸດປະສົງຂອງພວກເຮົາແມ່ນເພື່ອເພີ່ມຈຳນວນນັກສຶກສາຕ່າງປະເທດຈາກອາຊຽນ 1.5 ຄັ້ງໃນຫ້າປີ.
ມະຫາວິທະຍາໄລ ໂອກາຢາມະ ໄດ້ຖືກມອບໝາຍໃຫ້ດຳເນີນໂຄງການ “ຜູ້ປະສານງານເພື່ອການສຶກສາຕໍ່ທີ່ປະເທດຍີ່ປຸ່ນ (ມຽນມາ)” ໂດຍທຶນ MEXT ໃນປີ 2014 ເພື່ອເພີ່ມຈຳນວນນັກສຶກສາຈາກປະເທດມຽນມາຂຶ້ນເປັນສອງເທົ່າໃນ 5 ປີ. "ຜູ້ປະສານງານເພື່ອການສຶກສາຕໍ່ທີ່ປະເທດຍີ່ປຸ່ນ (ມຽນມາ)", ໄດ້ຖືກປ່ຽນຊື່ເປັນ "ໂຄງການສຶກສາຕໍ່ທີ່ປະເທດຍີ່ປຸ່ນລະດັບໂລກໃນອາຊຽນ" ໃນປີ 2018 ເພື່ອຂະຫຍາຍພື້ນທີ່ເປົ້າໝາຍໃຫ້ແກ່ປະເທດອາຊຽນທັງໝົດ.
ໃນເດືອນ ກໍລະກົດ ປີ 2020, ພວກເຮົາກຳລັງດຳເນີນການເພື່ອບັນລຸເປົ້າໝາຍໂດຍຜ່ານສາມແຫ່ງໃນອາຊຽນຄື: ຢ່າງກຸ້ງ ແລະ ມັນດາເລ ໃນມຽນມາ, ແລະ ບາງກອກ ປະເທດໄທ.
ມະຫາວິທະຍາໄລ ໂອກາຢາມະ ຍັງສືບຕໍ່ໃຫ້ການສະໜັບສະໜູນ ແລະ ໃຫ້ຄຳແນະນຳແກ່ນັກສຶກສາ ແລະຄູອາຈານໃນອາຊຽນທີ່ມີຄວາມຕ້ອງການຢາກໄປສຶກສາຕໍ່ທີ່ປະເທດຍີ່ປຸ່ນດ້ວຍຄວາມຮູ້ແລະປະສົບການທີ່ພວກເຮົາໄດ້ສະສົມມາໃນປະເທດມຽນມາ ເຊັ່ນດຽວກັບຊັບພະຍາກອນຂອງສະຫະພັນມະຫາວິທະຍາໄລແຫ່ງຊາດຫົກແຫ່ງໃນປະເທດຍີ່ປຸ່ນ (SixERS*) ແລະອົງການທີ່ກ່ຽວຂ້ອງອື່ນໆ .
* SixERS: ມະຫາວິທະຍາໄລ ຊີບະ, ມະຫາວິທະຍາໄລ ນີງາຕະ, ມະຫາວິທະຍາໄລ ຄານາຊາວາ, ມະຫາວິທະຍາໄລ ນາງາຊາກິ, ມະຫາວິທະຍາໄລ ຄຸມາໂມໂຕະ, ແລະມະຫາວິທະຍາໄລ ໂອກາຢາມະ