1ເຂົ້າໃຈຂັ້ນຕອນການຊອກວຽກທີ່ເປັນເອກະລັກ​ສະ​ເພາະຂອງປະເທດຍີ່ປຸ່ນຕັ້ງແຕ່ຫົວທີ

ມັນເປັນສິ່ງສຳຄັນທີ່ຈະເຂົ້າໃຈລັກສະນະຂອງການຫາ​ວຽກໃນປະເທດຍີ່ປຸ່ນ ແລະ ວິທີການທີ່ແຕກຕ່າງຈາກປະເທດຂອງທ່ານ.

2ມີຄວາມສາ​ມາດພາ​ສາ​ຍີ່​ປຸ່ນທຸລະກິດ

ສິ່ງທີ່ບໍລິສັດຊອກຫາຈາກນັກສຶກ​ສາຕ່າງປະເທດ​ຄືຄວາມສາມາດ​ດ້ານພາ​ສາຍີ່ປຸ່ນ​ຂອງ​ພວກ​ເຂົາ. ເນື່ອງຈາກວ່າບໍລິສັດ​ຕ່າງໆ ມັກ​ຈະ​ໃຫ້​ຄວາມ​ສຳ​ຄັນ​ກັບການສຳພາດໃນການຊອກ​ຫາ​ບຸກ​ຄະ​ລາ​ກອນ​ເປັນ​ຢ່າງ​ດີ, ໃຫ້ເຮັດວຽກ​ໂດຍ​ໃຊ້ທັກສະໃນການຟັງແລະການເວົ້າຂອງທ່ານເພື່ອປະສົບຜົນສຳເລັດໃນການເຮັດ​ວຽກ.
ພ້ອມກັນນັ້ນພາສາທີ່ໃຊ້ໃນພາ​ສາທຸລະກິດແມ່ນແຕກຕ່າງຈາກການປາກເວົ້າປະຈຳວັນ. ທ້າທາຍຕົວເອງກັບເງື່ອນໄຂທາງທຸລະກິດໃນຂະນະທີ່ທ່ານກຽມຕົວສຳລັບການຫາວຽກ.

3ຮວບຮວມຂໍ້ມູນວຽກສຳລັບນັກສຶກ​ສາຕ່າງປະເທດ

ບໍ່ແມ່ນທຸກບໍລິສັດແລະອົງການທີ່ຈະ​ຮັບນັກ​ສຶກ​ສາຕ່າງປະເທດ ແລະ ມີບໍລິສັດບໍ່ຫຼາຍແຫ່ງ​ທີ່ໂຄສະນາວ່າພວກເຂົາກຳລັງຮັບສະໝັກນັກສຶກ​ສາຕ່າງປະເທດ. ມັນເປັນສິ່ງສຳຄັນທີ່ຈະຕ້ອງຕັ້ງໜ້າໃນການຮວບຮວມຂໍ້ມູນດ້ວຍ​ຕົວ​ທ່ານເອງ.
ຢ່າ​ລືມ​ຄົ້ນ​ຫາ ແລະ ເຂົ້າ​ຮ່ວມກອງປະຊຸມສະຫຼຸບໂດຍຫຍໍ້ຂອງບໍລິສັດແລະຊ່ວງສຳພາດ. ນຳໃຊ້ປະ​ຟ​ຫຍດ​ຈາກສູນວິຊາຊີບ​ຂອງ​ມະ​ຫາ​ວິ​ທະ​ຍາ​ໄລ ຫຼື ພະແນກບໍລິການດ້ານວິຊາຊີບລວມ​ທັງອົງ​ກອນສະໜັບສະໜູນນອກໂຮງຮຽນ (ສູນບໍລິການຈ້າງງານສຳລັບຄົນຕ່າງປະເທດ) ຢ່າງ​ເຕັມ​ທີ່.

ສູນ​ວິ​ຊາຊີບມະ​ຫາວິທະຍາໄລ

• ຂໍ້ມູນການຮັບສະໝັກບໍ​ລິ​ສັດ
• ການໃຫ້​ຄຳປຶກສາຫາລືສະ​ເພາະບຸກຄົນສຳລັບການຈັດ​ຫາ​ງານ
• ລາຍຊື່ຂອງນັກສຶກ​ສາຮຽນຈົບ
• ລາຍງານການ​ຫາ​ວຽກ​ຈາກອະດີດນັກສຶກສາຕ່າງປະເທດ

ໜັງສືພິມແລະສື່ມວນຊົນ

• ທ່າ​ອ່ຽງການຫາວຽກໃນ​ສົກການ​ສຶກ​ສາປະຈຸບັນ
• ກະ​ແສ​ທາງສັງຄົມຍີ່ປຸ່ນ (ເສດຖະສາດ ແລະ ການເມືອງ)
• ກິດ​ຈະ​ການໂລກ
• ຂໍ້ມູນກ່ຽວ​ກັບວຽກ

ປື້ມແລະວາລະສານຂໍ້ມູນ

• ທ່າ​ອ່ຽງ​ທາງອຸດສາຫະກຳ
• ການກະກຽມການສອບເສັງຄັດເລືອກ
• ຂໍ້ມູນຈາກບໍລິສັດຈັດ​ຫາ​ງານ
• Kaisha Shikiho (ປື້ມຄູ່ມືກ່ຽວກັບບໍລິສັດຍີ່ປຸ່ນ) ແລະ Gyokai Chizu (ແຜນທີ່ຂອງໂລກທຸລະກິດ)

ອິນເຕີເນັດ

• ຂໍ້ມູນການຮັບສະໝັກອົງ​ກອນ
• ການຂໍຂໍ້ມູນແລະການເລີ່ມຕົ້ນການສະໝັກ
• ການສະໝັກສຳ​ລັບ​ການສຳມະນາ
• ຂໍ້ມູນຂ່າວສານເປັນ​ຄຳ​ເວົ້າ
• ວາລະສານການຫາ​ງານ​ປະ​ຈຳ​ໄຕ​ມາດ
• ຂໍ້ມູນບໍລິສັດລ້າສຸດແລະສະພາບແວດລ້ອມພາຍໃນ

ຫ້ອງການສາທາລະນະ

• ບັດຂໍ້ມູນເປີດຮັບ​ສະ​ໝັກວຽກແມ່ນບໍ່ມີຢູ່​ໃນມະຫາວິທະຍາໄລ
• ຂໍ້ມູນການຝຶກງານ
• ຂໍ້ມູນສຳລັບຄົນຕ່າງປະເທດ
• ການໃຫ້ຄຳປຶກສາແຕ່ລະຄົນກ່ຽວກັບການຈັດ​ຫາງານ